TNLna tharkhami

 

Former TNAL chairman wui talk Show chili TNLna  makhamaya phongshok haira

( Yarui phayamva wui otmanga ratak phinmi hailaga  yaruili pangapakhavai  thotsang khami hiya Longrei li khangasungna: TNL)

UKHRUL,6th Feb'24

THUIKAHAI zingkum Tangkhul Naga Ato Longphang( TNAL) wui chairman li 'no confidence motion' ( shitkasang khavat tuikat ) khuika-ka china maram sada yarui ashangva ngawunrop kharop kazat kala Longreili tuikat kahaoda Riyan li pheisin laga saran- varan sami kahaiwui thili latluida kachikatha social media 'Talk show'li TNAL wui former chairman na I, na legal chairman na kala iwui tungli TNL na tuirei parkhavai provision malei manada kahang chili Tangkhul wui Longrei TNL na makhamaya panglak eina phongshok haira.

China maram sada aja TNL wui president chamber li Press Conference khuikada Qr.Jollyson TNL vice-president na  paomi bingli hanga kanthui kahaiya achonkajang TNAL wui formal chairman na self style eina ina arui-rui wui legal chairman nada social media ' Talk Show' li maishalak eina phongshokzatta khalei hiya TNL mangli khangaruk maningla kha Tangkhul rumchimnao saikorali khangasungnada hang haira.

Langmeida, formal chairman na matuidakhaleiji khanguina kajihi yaruili ngararik tharshok khami nada Jollyson na chitheimi haira .

Eno.Lakmingam former care taker chairman TNAL kala TNL phungva nala  otshot shok kahai chiwui pongli phutshok da hanga Tangkhul longhi Tangkhul luiram, khawung zaikora zanglaga semkaka longna kaji hi TNL wui riyan Art 4 li mathingrik eina kapi haidalei kala hi Tangkhul luiram saikorali zatnada khaleina. TNL wui riyan hi Tangkhul hupvana mayada zatrashumda khaleina chithada sada TNL riyan li khangasung hi Tangkhul ahupvali khangasungna.

TNAL hi kashoi kapan maleilakla legitimate salak eina zatrashumda khaleina kala riyan wui athishurda sakharanji sarada khaleina kha kaji katha individual akha- khanina mingpan laga social media li matuizatta khalei ji makhamashungna kaji hi yaruili latluida tharmi khangaina da ana hang haira.

Chithada sada, Tangkul Naga long wui riyan azingli ruichumnao katongkhana mayada legally TNALwui chairman Qr. L.Wungpam Shimray li kapangka kahainada ngararik chitheimi haira.

TNAL wui zatrakahai atam jangli former chairman li 'shitkasang khavat tuikat'( non confidence motion)  leikahaiwui vang meimanalak eina phamana, ngaheoyangser laga kapha khaya eina ngacham sangmikhavai hotnada  scrutiny sakhavai atam angarit retsangmiya kha riyan athishurda chizami kahaiji masala riyan chonmakan kahai wuivang TNL na riyan wui Arts li pheisin laga zangran chili mashun eina khaktami kahaina kala chili yaruina bhapmata nguikhavai TNLna vaomathin haira.

TNL Longrei wui azingli Longphang mati leida khaleina chiya, Ato Longphang( TNAL) Aza Longphang ( TNZL) ,Zingtun Longphang( TNZL) kala Zingsho Longphang ( TNZL).

Langmeida, long-phang mati hila TNL riyan azingli customery, sharpahor, shiyan- chikan, hkt' ngaraicha ngachamda akha eina kazatna( Under one constitution)da hanga.

TNAL hili arui-rui ima Tangkhul ruichumnao khawung 45 leida khaleina.

TNL Riyan phesin laga otshot chiwuivang  khalashok kahaiya  Article clause  bing chiya,
©. TNL Dissolved Ato Longphang on 21st Oct' 2023 base on TNL Art 48 clause 9  riyan chonkhamakan.
©. TNL Riyan art 48 ( iv)
©. TNL Riyan art 4 (1), 75 ( xxiii)
© . TNL Riyan art 48 ( v) and ( vii)
©.TNL Riyan art 44 & 78 and art 48(ix), art 49(vi)